​ភ្នំពេញ​៖​នៅ​ព្រឹក​ថ្ងៃទី​០៨ ខែសីហា ឆ្នាំ​២០១៦ លោក គួច ចំរើន អភិបាលខណ្ឌ​ដូនពេញ បាន​ដឹកនាំ​មន្ត្រី​ចុះសួរសុខទុក្ខ លោកនាយ​ចំណង់ ប៉ិច ទី ជា​កងរាជអាវុធហត្ថ​ខណ្ឌដូនពេញ រងរបួស​ក្នុងពេល​បំពេញបេសកកម្ម​បង្ក្រាប​ចោរឆក់​ការ​បូ​ប​ក្នុង​សង្កាត់​បឹងរាំង និង​បាន​នាំយក​​ផ្លែឈើ ទឹកដោះ​ឆៅ និង ថវិកា មួយ​លាន​រៀល សម្រាប់​ជាការ​ឧបត្ថម លើក​ទឹក​ទឹកចិត្ត​ក្នុងការ​លះបង់​បំពេញភារកិច្ច​ការពារ​សន្តិសុខ​មូលដ្ឋាន​។​

​សូមជម្រាបថា កាល​យប់​ម៉ិ​ញ មាន​ករណី​ឆក់​កាបូប​កើតឡើង​ក្នុង​សង្កាត់​បឹងរាំង​។ ហើយ​ក្នុងពេល​ល្បាត​ការពារ​សន្តិសុខ ក្នុង​មូលដ្ឋាន លោកនាយ​ចំណង់ បាន​ប្រទះឃើញ​សកម្មភាព​ចោរឆក់​កាបូប​ពី​ជនរងគ្រោះ​ជា​ស្រី​មាន​ផ្ទៃពោះ មួយខែ នៅ​ផ្លូវ ២០៨ កែវ​ផ្លូវ ព្រះមុនីវង្ស សង្កាត់​បឹងរាំង​។ លោកនាយ​ចំណង់​បាន​ព្យាយាម​ដេញ​បំ​បុក​ចោរ រហូត​ដួល​ទាំងអស់គ្នា ចាប់ចោរ​បាន ខ្លួនឯង​មាន​របួស យក​សំភារៈ ជូន​ជនរងគ្រោះ​បាន​វិញ​។

​លោក​អភិបាលខណ្ឌ បាន​លើកទឹកចិត្ត និង​កោតសរសើរ​ចំពោះ​វិ​រៈ​ភាពក្លាហាន​របស់លោក នាយចំណង់ ដែល​បាន​លះបង់​អាយុជីវិត​ខ្លួន​ក្នុងការ​ការពារ​សន្តិសុខ​ខណ្ឌ​។
​ប្រិយមិត្ត​អាច​សួរសុខទុក្ខ​គាត់​បាន ពេលនេះ​គាត់​ស្នាក់នៅ​ទីបញ្ជាការ អ​វុ​ត្ថ​ហត្ថ ខណ្ឌដូនពេញ ក្បែរ​រង្វង់​មូល​សម្ដេច ជួន ណាត​៕

​